Tamang Society of America

Ashok pant (nepalphotonews)

न्युयोर्कमा तामाङ समुदाय द्वारा २८४९ औं डुल ल्होछार सम्पन्न

न्यू योर्क- तामांग सोसाइटी अफ अमेरिकाको आयोजनामा अमेरिकाको न्यु योर्कमा भब्य रुपमा सोनाम ल्होछार मानाएको छ । 2849 औ डुल सोनाम ल्होछारको अवसरमा सोसाइटीले फरवरी 9 तारिख शनिवार न्यु योर्क को अस्टोरिया मा हरेक बर्ष झै यस बर्ष पनि परम्परागत रुपमा मौलिक एवं साँस्कृतिक कार्यक्रम सहित भव्य रुपमा ल्होछार पर्व मनाएको थियो । तामांग जतिको मौलिक सस्कृति संगै भेषभुषालै संरक्षण गर्ने उधेस्य ले गरिएको कार्यक्रममा तामांग समुदायका नेपालीहरुको बाक्लो उपस्थिति रहेको थियो ।
कार्यक्रममा तामांग खान परिकार, तामांग पोसाकमा तामांग दम्पतिहरु बिच नृत्य प्रतोयोगिता र तामांग पोशाकमा उत्कृस्ट देखिने बिच पनि प्रतिस्पर्धा गरिएको थियो । तामांग दम्पति निर्त्य प्रतियोगितामा सुबाश लामा दम्पति प्रथम ,राजु लामा दम्पति दोश्रो तथा निमा पाख्रिन दम्पति तृतीय भएका थिए ।

संस्थाले सोहि कार्यक्रममा अमेरिकी नागरिकद्धय प्रोफेसर क्याथरिन मार्च र डाक्टर डेबिड होम्बर्गलाई विशेष सम्मान गरको थियो । उनीहरुलाई तामाङ् समुदायको सँस्कृति र इतिहासको अध्ययन अनुसन्धान र योगदान पुरयाएबापत उक्त सम्मान प्रदान गरिएको थियो ।

कार्यक्रममा गायक संजोक लामाले स्वागत गित गएका थिए भने सुवाष लामा राम तामांग,बिएल लामा ,राधिका तामांग ,शसी तामांग, सपना वाइवा, सुर्य बहादुर तामांग, राधिका तामांग ,धीरु लामा , चिनी ग्याल्मो लमिनी र सानु तामांग ले साथ दिएका थिए । त्यसै गरि निमा पाख्रिन, सपना तामांग, राधिका तामांग, प्रेम थोकर, बिनोद लामा ,र चिनी ग्याल्मो द्वारा तामांग दोहोरि गित प्रस्तुत गरिएको थियो । साथै कार्यक्रममा कलाकार हरु रिया तामांग ,ज्योमा तामांग ,करेन तामांग , सरिना तामांग , आयुस्मा तामांग , रिचें तामांग , आशिष तामांग , सन्तो लामा तामांग , उर्मिला तामांग , शिला लामा स्याङ्ग्देन ,गणेश तामांग , गोमा योंजन ,प्रिती तामांग , रबिना तामांग , शुक्रराम तामांग लगायतले तामांग सेलो र नेपाली न्रित्य प्रस्तुत गरेका थिए । त्यसै गरि तामांग यूथ ग्रुप का धीरु तामांग ,लगन गुरुङ , सुनिता तामांग ,समिर तामांग , कसांग थिङ्ग,सांगे तामांग , बिकास राई , टाशी तामांग , ब्रजेश मोक्तान र पवन योंजन ले गित संगीत प्रस्तुत गरेका थिए ।

संयुक्त राष्ट्र संघका लागि नेपाली नियोगका कार्यबाहक स्थायी प्रतिनिधि सेवा लम्साल अधिकारी,तामांग सोसइटीका सल्लाहकार बंशलाल तामांग आदिवासी जनजाति महासंघका कार्यबाहक अध्यक्ष बिनोद पोमो , आदिवासी जनजाति महिला महासंघका अध्यक्ष संगिनी रानामगर , तमु सोसाइटी अफ अमेरिकाका कोषाध्यक्ष टिकाराम गुरुङ, नेपाल अमेरिका पत्रकार संघ नेजाका अध्यक्ष आङ् छिरिंग शेर्पा र युएस नेपाल अनालाइनका प्रधान सम्पादक प्रदिप थापा मगर दवार ल्होछारको शुभ कामना ब्यक्त गरिएको थियो । उक्त कार्यक्रम सोसाइटीका महासचिब बुद्धिमान तामांग ,संचिता लामा ,करुणा लामा र उर्मिला थोकर ले संचालन गरेका थिए ।

सोसाइटी का अध्यक्ष साङ्गे लामा रुम्बाको सभापतित्वमा भएको कार्यक्रममा प्रमुख अतिथी संयुक्त राष्ट्र संघकालागि नेपाली स्थायी नियोगकी कार्यबाहक स्थायी प्रतिनिधि सेवा लम्साल अधिकारीले दीप प्रज्वलन गरी उद्घाटन गर्नु भएको थियो । उक्त समारोहलाई ल्होछार संयोजक तथा सोसाइटीका उपाध्यक्ष फुर्बा तामाङले सम्बोधन गर्दै सोनाम ल्होछार सम्बन्धी चर्चा गरेका थिए भने सोसाइटीका अध्यक्ष साङ्गे लामा रुम्बा ले धन्यवाद ज्ञापन गरेका थिए।

एभरेस्ट टाईम्स न्यूज ! 

न्युयोर्कमा तामाङ समुदायले मनायो सोनाम ल्होसार 

न्युयोर्क- हिमपातले चिसिएको मौसम । बाहिर कठयागि्रने जति ठण्डी भएपनि हलभित्र असाध्यै न्यानो सत्कारपुर्ण माहौला थिए । हलभित्रको प्रबेससंगै पाहुनाहरुलाई न्यानो ढंगबाट आतिथ्य सत्कार गर्नमा निकै व्यस्त थिए आयोजकहरु । अतिथिहरुलाई खादा लगाइदिदै आयोजक तामाङ सोसाइटीले ल्होछार पर्वको फयाफुल्लाको अभिवादनसंगै मौलिक खानापिनले स्वागत गरेका थिए । घरेलु मौलिक खाना र छयाङको स्वाद न्युयोर्कको तामाङ ल्होछारको एक आर्कषण थियो भने आफनो मौलिक भेषभुषा र भाषामा देखिएको रमझम अर्को मुख्य आर्कषण थिए । बौद्धधर्मवलम्बी तामाङ समुदायले विहानीपख बौद्ध परम्परा अनुसार २८४९ औ डुल्हो सोनाम ल्होछार मनाएका थिए । सोसाइटीले ल्होछार आगमान संगै गत फेबरारी ९ तारिख शनिबार ऐष्टोरियामा उक्त ल्होछार आयोजना गरेका थिए । आफनो मौलिक सस्कृतिलाई जर्गेना गर्नका लागी कार्यक्रममा तामाङ भाषामा प्रस्तुत गरेको स्वागत गीत र दोहोरी गीत लगायत तामाङ सेलो नृत्यहरुले तामाङ सस्कृति जर्गना गर्नमा टेवा पुर्‍याएका थिए । ' हामी विदेशमा भएपनि आफनो मौलिक सस्कृतिलाई जीवन्त दिई भावी पुस्ता माझ यसको महत्व दिलाउनका लागी यो प्रयास गरेको हो' सोसाइटीका उपाध्याक्ष तथा ल्होछार आयोजक समितिका संयोजक फुर्वा तामाङले एभरेष्ट टाइम्ससग भने- ' समय सापेक्षित रुपमा हामीले विगत भन्दा अलि फरक तर मौलिक ढंगले यस पटक ल्होछार मनाएको हो' । उनका अनुसार तामाङ जातीको मौलिक सस्कृतिसंगै आफनो भाषा र भेषभुषालाई संरक्षण गर्ने क्रममा समाजमा लुकेका प्रतिभाहरुलाई पनि यस्तो बेला कला देखाउने अवसर प्रदान गरेको हो ।

कार्यक्रममा तामाङ खाना परिकार, ल्होछारको बारेमा जनचेतनासंगै तामाङ पोशाकमा ठाटिएका तामाङ दम्पतिहरु वीच नृत्य प्रतियोगिता र तामाङ पोशाकमा उत्कृष्ठ देखिनेहरु वीच प्रतिष्प्रर्धा समेत भएको थियो । आयोजक सोसाइटीले गरेको आग्रह अनुसार कार्यक्रममा सवै उमेर समुहका तामाङहरुले लगाएको मौलिक पोशाकले नया पिडिलाई मार्गनिदेश गरिरहेका थिए । सोसाइटीले ल्होछारको अवसरमा निकै मौलिक ढंगले कार्यक्रम आयोजना गरेको भनी उपस्थित विभिन्न क्षेत्रका प्रतिनिधिहरुले प्रसंसा गरेका थिए । एक दशक अघि स्थापित सोसाइटीले गरेको कार्यक्रम देखेर सस्थापक अध्यक्ष् सुवास लामाले समेत निकै गौरब मानेका थिए । ' सोसाइटीले ल्होछारको उपलक्ष्यमा आफनो मौलिक सस्कृति झल्कने गरि आयोजना भएको यस्तो भव्य कार्यक्रमले मलाई निकै खुसी र गौरव लाग्यो' सोसाइटीका सस्थापक अध्यक्ष् तथा सल्लाकार लामाले भने- ' यस पटक न्युयोर्कमा तामाङ जातीले मनाएको भव्य ल्होछार हेर्दा त अमेरिकामा होइन नेपालमा छौ जस्तो लाग्यो ' । उनका अनुसार सन २००० तिर अमेरिकामा थोरै तामाङको संख्या भएकाले शेर्पा समुदायले मनाउने ल्होसारमा पुगेर भएपनि रमाइलो गरेर मनाउने गथ्र्यो तर अहिले पहिलाको तुलनामा संख्या धेरै बडेकोले तामाङ जातीको बेग्लै रौनक छाएको छ । लामाका अनुसार सन २००१ मा तर्दर्थ समिति गठन गरि २००२ बाट विधिवत रुपमा सस्था स्थापना भएको थियो । उनी भन्छन-' त्यतिखेर तामाङहरु न्युयोर्कमा दुई सयको हाराहारीमा मात्र थियो तर अहिले सात सयको हाराहारीमा रहेको छ' ।

कार्यक्रममा गायक सञ्जोग लामाद्धारा गाएको उक्त स्वागत गीतमा सुवास लामा, राम तामाङ, विएल लामा, र।धिका तामाङ, शसी तामाङ, सपना वाइवा , सुर्य बहादुर तामाङ, राधिका तामाङ, धिरु लामा, चिनी ग्येल्मो लामिनी र सानु तामाङ सहाभागी थिए । त्यस्तै तामाङ भएपछि तामाङ भाषा बोल्नु पर्छ भन्ने सन्देशका साथ गाएको तामाङ दोहोरी गीतमा निमा पाखि्रन, सपना तामाङ, राधिका तामाङ, प्रेम थोकर, विनोद लामा र चिनी ग्येल्मो लामिनीले गीत प्रस्तुत गरेका थिए ।

त्यस्तै कलाकारहरु रिया तामाङ, ज्योमा तामाङ, कारेन तामाङ, सारिना तामाङ, आयुष्मा तामाङ,रिन्चेन तामाङ, अशिस तामाङ, सेन्तो लामा तामाङ, उर्मिला तामाङ,सीला लामा स्याङदेन, गणेश ग्लाण तामाङ, गाृमा योञ्जन, पि्रति तामाङ, रविना तामाङ,सुक्रराम तामाङ आदी कलाकारहरुले तामाङ सेलो र नेपाली नृत्य गरेका थिए । त्यस्तै गायक सञ्जोग योञ्जनको तामाङ सेलो गीतसंगै तामाङ युथ गु्रपका लाइभ मेन्बरहरु धिरु तामाङ, लगन गुरुङ, सुनिता तामाङ, समिर तामाङ, कासाङ थिङ, सांगे तामाङ, विकास राई, टासी तामाङ, ब्रजेश मोक्तान र पावन योन्जनले गीत संगीत प्रस्तुत गरेका थिए । पहिलो चरणको कार्यक्रम सोसाइटीका महासचिव बुद्धिमान तामाङले सञ्चालन गरेका थिए भने दोश्रो चरणको सास्कृतिक कार्यक्रम संञ्चीता लामा, करुणा लामा र उर्मिलाले उदघोषण गरेकी थिइन ।

तामाङ नृत्यमा सुबास दम्पति र पोशाकमा उर्मिला ।

ल्होछारको अवसरमा आयोजित तामाङ दम्पति नृत्य प्रतियोगितामा सुवास लामा दम्पति प्रथम, राजु लामा दम्पति दितिय र निमा पाखि्रन दम्पति तृतिय भएका थिए । त्यस्तै उत्कृष्ठ तामाङ पोशाकमा उर्मिला तामाङ प्रथम, तेरचन ग्याल्बो तामाङ दितिय र चिनीग्याल्मो लामिनी तृतिय भएका थिए ।
उक्त ल्होछार कार्यक्रम संयुक्त राष्ट्र संघका लागी नेपालका कार्यकारी स्थायी प्रतिनिधि सेवा लम्साल अधिकारीले बत्ति बालेर उदघाटन गरेकी थिइन । सोसाइटीका अध्यक्ष् सांगे लामा रुम्बाको सभापतित्वमा भएको औपाचारिक कार्यक्रममा तामाङ सोसाइटीका सल्लाहकार तथा सिन्धु वेलफेयर सोसाइटीका अध्यक्ष बंशलाल तामाङ, आदीवासी जनजाती महासंघ फिफनाका कार्यवाहक अध्यक्ष् विनोद पोमु,आदीवासी जनजाती महिला महासंघका अध्यक्ष संगीनी राणामगर, नेपाल अमेरिका पत्रकार संघ नेजाका अध्यक्ष् आङछिरिङ शेर्पा र युएस नेपाल अनलाइनका प्रधान सम्पादक प्रदीप थापा मगरले ल्होछारको शुभकामना मन्तव्य दिएका थिए । कार्यक्रममा तामाङ जातीको भाषा सस्कृतिको उत्थानमा लामो समयदेखिन योगदान पुर्‍याउदै आएका प्रोफेसर डा. क्याथरिन मार्च र प्रोफेसर डा. डेविटलाई सोसाइटीले विशेष सम्मान गरेका थिए । सम्मानीत प्रोफेसरद्धाय न्युयोर्कस्थित कर्नेल युनिभर्सिटिमा कार्यरत छन ।

तस्विरहरु - अशोक पन्त /  नेपाल फोटो न्युज डटकम

काठमाडौको ॐ नर्सिङ क्याम्पस, चाबहिलमा स्टाफ नर्स तेस्रो बर्षमा अध्ययनरत छात्रा अन्जली दोङको अध्ययन सहयोगको लागि तामाङ सोसाईटी अफ अमेरिकाको तर्फबाट अमेरिकन डलर ५०१ बराबरको नेपाली रुपैयाँ सम्बन्धित क्यामपसमा जम्मा गरी सहयोग गरेको छ । रामेछाप जिल्ला बेथान-६ घर भएकी अन्जली दोङ पढाईमा तिक्ष्ण हुँदा हुँदै पनि आर्थिक अभावका कारण अध्ययन छोड्ने स्थितीमा पुगेको थाहा पाएपछि सहयोग गरेको तामाङ सोसाईटी अफ अमेरिकाले जनाएको छ । उक्त सहयोग रकम सोसाईटीका सल्लाहकार बंशलाल तामाङबाट १०१ डलर, पुर्व महासचिब शान्त थोकर, शिक्षा बिभाग प्रमुख छेमाङ लामा, कोषाध्यक्ष ङिमा पाख्रिन र सदस्य काले पासाङ तामाङबाट जनहि १०० डलर गरी जम्मा ५०१ डलर जम्मा भएको थियो ।

त्यसै गरी नेपाल तामाङ समाज, ईजराएलबाट पनि ३३ हजार रुपैयाँ सहयोग गरेको इजराएलबाट चन्द्र माया तामाङले जानकारी दिईन् । तामाङ सेवा केन्द्र, कपन, काठमाडौका तर्फबाट पटक पटक गरी ४१ हजार ५ सय रुपैयाँ क्याम्पसमा जम्मा गरेर सहयोग गरेको केन्द्रका अध्यक्ष अम्बर तामाङले बताए । उक्त रकम लन्डन निवासी देवी घिसिङ, केन्द्रका कपन निवासी फुर्बा तामाङ लगायतबाट सहयोग जम्मा भएको थियो । केहि दिन अगाडी मात्रै तामाङ घेदुङ, यूकेबाट पनि सहयोग पठाईएको घेदुङका उपाध्यक्ष तेन्जि पाख्रिनले जानकारी दिए । घेदुङबाट पठाएको ४१ हजार १ सय ११ रुपैयाँ काठमाडौमा एक कार्यक्रमबिच पुर्ब मन्त्री सुर्यमान दोङले हस्तान्तरण गरेका थिए ।

अझै अन्जली दोङको नाममा तिर्नु पर्ने बक्यौता साठी हजार भन्दा बढि रहेको क्याम्पसले जनाएको छ । अन्जली दोङ भने अन्तिम परिक्षाको तयारीमा लागेको बुझिएको छ । आफु तामाङ भएकोले तामाङ समुदायले आफ्नो अध्ययनको लागि गरेको यो सहयोगको उच्च कदर गर्दै मिहीनेतकासाथ अध्ययन पुरा गर्न लागि परेको अन्जलीले बताईन् । "म मेरो समुदायको गौरब गर्छु र मैले मेरो अध्ययन पुरा भएपछि मेरो समुदायलाई यो ऋण तिर्नु पर्छ ।" अन्जलीले आफ्नो भावी योजना सुनाईन् ।